Keniyada soliqlarning oshirilishiga qarshi namoyishlar chog‘ida kamida sakkiz kishi halok bo‘ldi, 50 kishi yaralandi. Bu haqda mahalliy OAV xabar berdi.
25-iyun kuni ertalab Citizen TV namoyishchilar parlament binosiga bostirib kirgani, uning bir qismida yong‘in chiqqani haqida xabar berdi.
Namoyishchilar soliqlarning oshirilishi iqtisodiyotga zarar yetkazadi va mahalliy aholining yashash sharoitini yanada og‘irlashtiradi, deb hisoblamoqda.
AQSHning sobiq prezidenti Barak Obamaning singlisi Auma Obama va uning qizi Keniyada namoyishlar chog‘ida ko‘zdan yosh oqizuvchi gazdan jabrlandi. Bu haqda uning o‘zi CNN telekanalida ma’lum qilgan.
“Men namoyishchilarga qo‘shilgani keldim... Bizga qarshi ko‘zdan yosh oqizuvchi gaz ishlatishdi. Bizda faqat bayroq va bannerlar bor edi. Boshqa hech narsa yo‘q... Nima uchun namoyishchilarga qarshi ko‘zdan yosh oqizuvchi gaz ishlatishmoqda?” — dedi u.
Ilgari siyosatda ishtirok etmagan Obama nima uchun norozilik namoyishiga chiqqani haqidagi savolga izoh berar ekan, ayol qizi va nevaralarining kelajagi shu mamlakatda bo‘lishini istashini aytgan.
Izoh (0)