Estoniya bosh vaziri Kaya Kallasning Yevropa Ittifoqining tashqi ishlar va xavfsizlik siyosati bo‘yicha oliy vakili lavozimiga tayinlanishi Uchinchi jahon urushining boshlanishini tezlashtiradi. Bu fikrni Fransiya vatanparvarlari partiyasi yetakchisi Florian Filippo bildirdi.
“Uning kelajakda bu lavozimga tayinlanishi keskinlikni kuchaytirish, tinchlikni imkonsiz qilish va uchinchi jahon urushi boshlanishini tezlashtirishga qaratilgan”, — deb yozdi siyosatchi Florian Filippo X (sobiq Twitter) ijtimoiy tarmog‘ida.
Uning so‘zlariga ko‘ra, Filippo “urushga berilib ketgan” deb atagan Kallasni YI diplomatiyasi rahbari lavozimiga tayinlanishi ahmoqona qaror. Siyosatchining so‘zlariga ko‘ra, Estoniya bosh vaziri “Rossiyaga nisbatan kuchli nafratga ega”, “NATOga ko‘r-ko‘rona bo‘ysunadi” va “Yevropa armiyasi”ni yaratish g‘oyasini ilgari surishi mumkin. Chunki u Yevropa Ittifoqining mudofaa siyosati sanoat masalalarini boshqaradigan mudofaa bo‘yicha Yevropa komissari lavozimi tashkil qilishni qo‘llab-quvvatlaydi.
Avvalroq Euractiv portali Rossiyaga nisbatan o‘ta salbiy munosabat Kallasga Jozep Borrelning o‘rnini egallashga to‘sqinlik qilayotgani haqida xabar bergan edi. Unga ko‘ra, joriy yilning fevral oyida Rossiya Ichki ishlar vazirligi tomonidan qidiruvga berilgan Kallasning pozitsiyasiga Yevropa Ittifoqining barcha davlatlari ham qo‘shilmaydi. Bundan tashqari, keyinchalik Estoniyaning Postimees gazetasi Tallinn aholisi Estoniya bosh vaziri ishini salbiy baholashi va agar u ushbu lavozimga tayinlansa, yangi lavozimda yomon ishlashiga ishonishini ta’kidlagandi.
Izoh (0)