Netanyaxu: Rafahdagi shiddatli janglar fazasi tez orada yakunlanadi

Isroil bosh vaziri Binyamin Netanyaxu Rafahda HAMASga qarshi shiddatli janglar fazasi tez orada pasayishini aytdi. Bu haqda Haaretz xabar berdi.

Netanyaxuning so‘zlariga ko‘ra, HAMASga qarshi urush u yo‘q qilinmaguncha davom etadi.

Rafahdagi jangovar harakatlarning jadal bosqichi tez orada tugaydi, ammo operatsiyalar va zarbalarni davom ettiramiz va taslim bo‘lmaymiz. Ularga bor kuchimiz bilan zarba beramiz, — dedi u.

Isroil bosh vaziri G‘azo sektoridagi janglarning intensiv bosqichi ham tez orada yakunlanishi bildirdi. Bu kuchlarning bir qismini “mudofaa maqsadida” shimolga o‘tkazish va evakuatsiya qilinganlarni uylariga qaytarish imkonini beradi. Netanyaxu shimoldagi vaziyatni hal qilish bo‘yicha kelishuv faqat Isroil shartlariga ko‘ra amalga oshishini ta’kidladi.

U HAMAS bilan qisman kelishuvga tayyorligini yana bir bor aytdi. Ammo Isroil kelishuvdan keyin harbiy harakatlarni qayta tiklamoqchi.

Netanyaxuning ta’kidlashicha, G‘azo sektorida faqat Isroil armiyasi “terrorizmni yo‘q qilishi” mumkin, shundan so‘ng anklavda mahalliy falastinliklar ishtirokida fuqarolik boshqaruvi tuzilishi kerak.

Harbiy nazorat Isroilda qoladi, G‘azo sektori demilitarizatsiya qilinadi va anklavda mintaqadagi mo‘tadil mamlakatlar nazorati ostidagi hukumat tuzilishi kerak,  — deydi Isroil bosh vaziri.