O‘zbekistonlik iqtisodchi Botir Qobilov Garvard universitetida doktorlik unvonini oldi. Bu haqida Viskonsin universiteti doktoranti Behzod Hoshimov ijtimoiy tarmoqlardagi sahifasida ma’lum qildi.
Do‘stim, hammuallifim, podkastdoshim va qadrli akam — Botir Qobilov bugun Garvard universitetidan doktorlik unvonini oldilar.
Botir aka bilan faxrlanamiz. Vatanimiz, millatimizga Botir akadek olimlar muborak bo‘lsin. Botir aka Garvardda doktorlik qilgan birinchi o‘zbekistonlik bo‘ldi, — deb yozdi Behzod Hoshimov.
Harvard Business School saytidagi ma’lumotlarga ko‘ra, Botir Qobilov Garvardga kirishdan avval Dyuk universitetida magistrlik, Singapur menejmentni rivojlantirish institutida bakalavr darajalarini olgan. Karyerasi davomida O‘zbekiston Markaziy bankida yetakchi iqtisodchi sifatida ishlagan.
2023-yil sentyabr oyida O‘zbekiston prezidenti Shavkat Mirziyoyev AQSH safari doirasida o‘zbekistonliklar bilan uchrashgandi. Keyinroq tadbirda qatnashgan iqtisodchi Behzod Hoshimov va Botir Qobilov o‘zining Uzbekonomics mualliflik podkasti maxsus sonida prezident bilan bo‘lgan uchrashuv haqida gapirib bergan edi.
Izoh (0)