“O‘zgidromet” kelasi hafta boshida kuzatiladigan ob-havo prognozini e’lon qildi

“O‘zgidromet” 20–22-may kunlari respublika hududida kuzatiladigan ob-havo ma’lumotlarini e’lon qildi.

Qoraqalpog‘iston Respublikasida havo biroz bulutli bo‘ladi, 20-mayda kechga tomon baʼzi joylarda yomg‘ir yog‘adi, momaqaldiroq bo‘lishi mumkin. 21–22-mayda yog‘ingarchilik kutilmaydi. G‘arbiy shamol yo‘nalishini o‘zgartirib, sharqdan 7-12 metr/sekund tezlikda esadi, 20 va 22-mayda baʼzi joylarda 15-20 metr/sekundgacha kuchayishi mumkin. Harorat kechasi 20–21-mayda 8-13 daraja, 22-mayda 10-15 daraja, kunduzi 20-mayda 20-25 daraja, 21–22-mayda 22-27 daraja bo‘ladi.

Xorazm viloyatida havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, 21–22-mayda baʼzi joylarda 15-20 metr/sekundgacha kuchayishi mumkin. Harorat 20–21-mayda 8-13 daraja, 22-mayda 10-15 daraja, kunduzi 20-mayda 20-25 daraja, 21–22-mayda 22-27 daraja bo‘ladi.

Buxoro va Navoiy viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, 21–22-mayda baʼzi joylarda 15-20 metr/sekundgacha kuchayishi, ayrim joylarda chang-to‘zonlar bilan kuzatilishi mumkin. Harorat 20-mayda kechasi 8-13 daraja, kunduzi 20-25 daraja, 21-mayda kechasi 10-15 daraja, kunduzi 22-27 daraja, 22-mayda kechasi 12-17 daraja, kunduzi 24-29 daraja bo‘ladi.

Toshkent, Samarqand, Jizzax va Sirdaryo viloyatlarida havo biroz bulutli bo‘ladi, 20–21-mayda baʼzi joylarda yomg‘ir yog‘adi, ayrim joylarda kuchli bo‘ladi, momaqaldiroq bo‘lishi mumkin. 22-mayda yog‘ingarchilik kutilmaydi. G‘arbiy shamol yo‘nalishini o‘zgartirib, sharqdan 7-12 metr/sekund tezlikda esadi, baʼzi joylarda 15-20 metr/sekundgacha kuchayishi mumkin. Harorat kechasi 10-15 daraja, kunduzi 20–21-mayda 20-25 daraja, 22-mayda 22-27 daraja bo‘ladi.

Qashqadaryo va Surxondaryo viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat 20-mayda kechasi 11-16 daraja, kunduzi 23-28 daraja, 21-mayda kechasi 11-16 daraja, kunduzi 25-30 daraja, 22-mayda kechasi 14-19 daraja, kunduzi 27-32 daraja bo‘ladi.

Andijon, Namangan va Farg‘ona viloyatlarida havo biroz bulutli bo‘ladi, yog‘ingarchilik kutimaydi. Shamol sharqdan 5-10 metr/sekund tezlikda esadi. Harorat kechasi 11-16 daraja, kunduzi 23-28 daraja bo‘ladi.

Respublikaning tog‘li hududlarida havo biroz bulutli bo‘ladi, vaqti-vaqti bilan yomg‘ir yog‘adi, 20–21-mayda baʼzi joylarda kuchli yomg‘ir yog‘adi, momaqaldiroq bo‘ladi. Shamol g‘arbdan 7-12 metr/sekund tezlikda esadi, baʼzi joylarda 15-20 metr/sekundgacha kuchayishi mumkin. Harorat kechasi 4-9 daraja, kunduzi 20–21-mayda 9-14 daraja, 22-mayda 11-16 daraja bo‘ladi.

Avvalroq “O‘zgidromet” yog‘ingarchilik sabab respublika bo‘yicha yomg‘ir suvlari to‘planishi ehtimoli borligi, bu hududlarni suv bosishiga olib kelishi mumkinligidan ogohlantirgandi.