Toshkent viloyatida 6 dona ratsiyadan tegishli ruxsatnomasiz foydalangan shaxsga chora ko‘rildi. Bu haqda “O‘zkomnazorat” inspeksiyasi matbuot xizmati xabar berdi.
Maʼlum qilinishicha, o‘tkazilgan radiomonitoring tadbirlar natijasida Toshkent viloyati, Yuqori Chirchiq tumani, “Mirobod” MFY hududida istiqomat qiluvchi fuqaro I.E. tomonidan 6 dona Baofeng BF-888S rusumli noqonuniy radioelektron vositalardan belgilangan tartibda ruxsatnoma rasmiylashtirmasdan foydalanayotgani aniqlangan.
Mazkur holat sabab fuqaro tomonidan radioelektron vositalar va yuqori chastotali qurilmalardan foydalanishning belgilangan qoidalari hamda davlat standartlari va belgilangan tartibda o‘rnatilgan parametrlari talablari buzilgan.
Ushbu huquqbuzarlik natijasida maʼmuriy hujjatlar rasmiylashtirilib, fuqaroga nisbatan chora ko‘rildi.
Izoh (0)