Хоразм вилояти Ички ишлар бошқармаси томонидан “Ўзкомназорат” Инспекциясининг вилоят ҳудудий шўбасига тақдим этилган маълумотга асосан ҳамкорликда рейд тадбирлари ўтказилди. Бу ҳақда “Ўзкомназорат” матбуот хизмати хабар берди.
Маълум қилинишича, Урганч туманида истиқомат қилувчи фуқаро томонидан жами 9 та ҳамда Урганч шаҳрида яшовчи фуқаро томонидан 3 та, жами 12 та рациядан ноқонуний фойдаланиб келинаётганлиги аниқланди.
Ҳуқуқбузарларга нисбатан радиоэлектрон воситалар ва юқори частотали қурилмалардан фойдаланиш тартибини бузганлиги учун “Маъмурий жавобгарлик тўғрисида”ги кодекснинг 152-моддаси 1-қисмига (радиоэлектрон воситалар ва юқори частотали қурилмалардан фойдаланиш тартибини бузиш) асосан маъмурий жарималар қўлланилди.
Изоҳ (0)