AQSH Demokratik partiyasi safida prezident Jo Bayden 2024-yilning noyabriga belgilangan prezidentlik saylovlarida ishtirok etishdan bosh tortishi mumkinligi taxmin qilinmoqda. Bu haqda Der Spiegel nashri xabar berdi.
Ma’lum bo‘lishicha, Bayden o‘rniga AQSHning sobiq prezidenti Barak Obamaning rafiqasi Mishel Obamani nomzod qilib ko‘rsatishni taklif qilishi mumkin. Jurnalistlarning manbalariga ko‘ra, Bayden 2024-yil avgustida Chikagodagi partiya qurultoyida qarorini e’lon qilishi mumkin.
Demokratik partiya bo‘lajak saylovda nomzodni almashtirish imkoniyatini aniqlash uchun aholi o‘rtasida o‘tkazilgan sotsiologik so‘rovlarga tegishli savolni kiritgan.
OAVning yozishicha, demokratlar ayol prezidentni ko‘rishni ma’qul ko‘rgan amerikaliklar o‘rtasida o‘tkazilgan so‘rovdan so‘ng bunday qadamni ko‘rib chiqmoqda. So‘rovda qatnashgan AQSH aholisining uchdan ikki qismi Baydenni mamlakatni yana to‘rt yil boshqarish uchun juda keksa deb hisoblaydi.
Jo Bayden raqibi Donald Trampdan bir foizga pastroq ustunlikka ega. Amerika Qo‘shma Shtatlarida prezidentlik saylovlari shu yilning noyabr oyida bo‘lib o‘tishi rejalashtirilgan.
Izoh (0)