Тожикистон Ташқи ишлар вазирлиги 1 майдан 25 та давлат фуқаролари учун визасиз режим жорий қилди. Бироқ мазкур давлат фуқароларининг Тожикистонда қолиш муддати 30 кун билан чекланган.
Рўйхатдан Андорра, Багама ороллари, Босния ва Герсеговиня, Бразилия, Болгария, Коста-Рика, Кипр, Ирландия, Малта, Маршалл ороллари ва қуйидаги давлатлар ўрин олган:
- Мексика
- Мўғулистон
- Черногория
- Уммон
- Руминия
- Сент-Китц ва Невис
- Сент-Люсия
- Сан-Марино
- Сербия
- Словакия
- Словения
- Соломон ороллари
- Сент-Винсент ва Гренадин ороллари
- Ватикан ва Фаластин (дипломатик ва хизмат паспортига эга шахслар учун).
Бундан ташқари, ҳукумат қарори билан 55 ёшдан ошган фуқаролари Тожикистонга кириш учун бир томонлама визасиз режимдан фойдаланиши мумкин бўлган 16 та давлат рўйхати тасдиқланган. Аниқлик киритилишича, бу мамлакатда икки ҳафтагача қолиш ва визасиз чиқиб кетиш имконини беради.
Бу давлатларга Альбания, Жазоир, Барбадос, Вануату, Хитой, Доминика, Фиджи, Лаос, Ливан, Мадагаскар, Марокаш, Шимолий Македония, Никарагуа, Панама, Тунис ва Вьетнам киради. Янги фармонга кўра, яна 14 давлат фуқаролари Тожикистонга боришда визаларни соддалаштирилган тартибда олиши мумкин. Бу рўйхатга Ироқ, Фаластин, Сурия ва бир қатор Африка давлатлари киради.
Изоҳ (0)