Andijon viloyatining Oltinko‘l tumaniga yangi hokim tayinlandi, deya xabar berdi “Daryo” muxbiri Umidjon Mamarasulov.
Ma’lum bo‘lishicha, viloyatning Qo‘rg‘ontepa tumani “Chorvador” mahalla fuqarolar yig‘inida hokim yordamchisi vazifasida ishlab kelgan Mahamadmuso Obidov Oltinko‘l tumani hokimi vazifasini bajaruvchi etib tayinlangan.Mahamadmuso Obidov 1984-yil viloyatning Marhamat tumanida tug‘ilgan bo‘lib, 2005-yil Andijon muhandislik iqtisodiyot institutini, 2018-yil esa O‘zbekiston Respublikasi Bank-moliya akademiyasini tamomlagan. Ish faoliyatini “O‘zsanoatqurilishbank” Bunyodkor filiali pul muomalasi va naqd pul mablag‘larining berilishini monitoring qilish bo‘yicha maxsus sho‘basi 1-toifali mutaxassisi, yetakchi mutaxassisi sifatida boshlab, filial boshqaruvchisi o‘rinbosari, Markaziy bank Andijon viloyati Bosh boshqarmasi banklar va nobank kredit tashkilotlarini nazorat qilish bo‘limi boshlig‘i, Milliy bank Andijon bo‘limi boshqaruvchisi lavozimlarida ishlagan.
2022-yilning yanvar oyidan tayinlovga qadar Andijon viloyatining Qo‘rg‘ontepa tumani “Chorvador” mahalla fuqarolar yig‘ini mahalla fuqarolar yig‘ini tadbirkorlikni rivojlantirish, aholi bandligini ta’minlash va kambag‘allikni qisqartirish masalalari bo‘yicha hokim yordamchisi vazifasini bajarib kelgan.
Izoh (0)