O‘zbekistonda elektron xizmatlar ko‘rsatuvchi 57 ta xorijiy kompaniya tomonidan 2024-yil yanvar-mart oylarida 23,6 mlrd so‘m soliq to‘langan. Bu haqda Soliq qo‘mitasi matbuot xizmati xabar berdi.
Maʼlum qilinishicha, bu o‘tgan yilning mos davriga nisbatan 1,4 barobar ko‘p.
To‘langan soliqlarning 96,5 foizi elektron xizmatlar ko‘rsatuvchi 10 ta xorijiy kompaniya hissasiga to‘g‘ri keladi:
- Meta — 8,9 mlrd so‘m;
- Google — 6,5 mlrd so‘m;
- Apple — 4,5 mlrd so‘m;
- Booking.com — 776,8 mln so‘m;
- Amazon — 549,4 mln so‘m;
- Acca — 337,3 mln so‘m;
- Zoom — 333,3 mln so‘m;
- Netflix — 324,7 mln so‘m
- Yandex — 212,1 mln so‘m;
- Xsolla — 193,4 mln so‘m.
Izoh (0)