Польша армиясининг собиқ қўмондони, генерал Валдемар Скшипчак Польша ва Литванинг Россия ва Беларусь билан чегараларини миналанган майдонлар билан мустаҳкамлашни таклиф қилди.
Мен Польша ва Литванинг Россия билан чегараларини мустаҳкамлаш керак, деб ҳисоблайман. Миналанган майдонларни ҳозир, тинчлик даврида жойлаштириш керак, — деди у Delfi’га берган интервьюсида.
Унинг фикрича, Беларусь билан чегарада ҳам шундай чоралар кўриш керак.
Скшипчак уруш даврида чегара ҳудудларида истеҳкомлар қуриш учун аллақачон кеч бўлишини айтиб, Польша ҳам кучли истеҳкомлар қуришни бошлаши кераклигини таъкидлаган. Шу билан бирга, у ҳозир Европада кенг кўламли уруш хавфи йўқлигини қўшимча қилган.
Аввалроқ Эстония ҳарбий департаменти Болтиқбўйи мамлакатлари Россия билан чегарада “мудофаа чизиғи”ни ўрнатиш бўйича келишувга эришганини эълон қилган эди. Postimees нашри Эстония Россия томонидан эҳтимолий таҳдид туфайли шарқий чегарада 600 га яқин бункер қуришини хабар қилган.
Россия президенти Владимир Путин америкалик журналист Такер Карлсонга берган интервьюсида Россиянинг Польша, Латвия ва қитъанинг бошқа давлатларига ҳудудий даъвоси йўқлигини маълум қилган эди.
Изоҳ (0)