Qirg‘izistonda ham 27-aprel kuni qor yog‘di. Avvalroq Qozog‘istonning Jambil viloyatida yog‘ingarchilik kuzatilgandi. Bu haqda Kaktus.media xabar berdi.
Bishkek shahrining asosan janubiy qismida mahalliy vaqt bilan soat 18:00 da qor yog‘gan. Tabiat hodisasi “Yug-2” mikrorayonida ham kuzatilgan, biroq markazda va boshqa hududlarda shiddatli yomg‘ir qayd etilgan. Kechqurun shaharda havo harorati 5 daraja iliqqa tushgan.
Qirg‘izistonning Talas va Chuy viloyatlarida ham qor yog‘ishi kuzatilgan. Respublika Favqulodda vaziyatlar vazirligi avvalroq aholini 27—29-aprel kunlari yog‘ingarchilik va beqaror ob-havo kutilayotgani haqida ogohlantirgan. Mamlakat yo‘llarida muzlamalar hosil bo‘lishi, qor ko‘chkisi kuzatilishi, vaqti-vaqti bilan yomg‘ir yog‘ishi mumkin.
Izoh (0)