“Barselona” bosh murabbiyi Xavi jamoada qolish qarori haqida gapirib o‘tdi.
“Bilasizmi, “Barselona”ni juda ham yaxshi ko‘raman va unga nimadir bera olish uchun bor kuchim bilan harakat qilaman. Eng asosiysi — klub haqida o‘ylash. Prezident bilan suhbatlashdim va ular, rahbariyat tomonidan menga katta ishonch bildirilayotganini his qilyapman.
Bu loyihani davom ettirishim kerakligini haqidagi qarorni qabul qilishimda futbolchilar muhim rol o‘ynadi. Muxlislar ham qolishim kerakligini tushunishimga yordam berdi. O‘zimga bo‘lgan ishonchim kuchaydi.
Yanvar oyida ketish eng yaxshi qaror deb o‘ylagandim. Endi esa vaziyatga boshqacha nigoh bilan qarayapman. Hozir to‘g‘ri qaror qabul qildim deb o‘ylayman”, — aytib o‘tdi “Barselona” bosh murabbiyi.
Eslatib o‘tamiz, Xavi yanvar oyida kataloniyaliklar murabbiylik postini tark etishini ma’lum qilgandi. Biroq rahbariyat murabbiyni qolishga ko‘ndirdi va u ketish qarorini o‘zgartirdi.
Izoh (0)