Amerikalik taniqli model va milliarder, tadbirkor Kayli Jenner o‘zining shaxsiy yerosti bunkeriga ega villasining qurilish ishlarini deyarli tugatdi. Bu haqda “Korrespondent.net” nashri xabar bermoqda.
Mazkur uyni Kayli uch yil avval Kaliforniyaning Hidden Hills shahridan 15 million dollarga sotib olgan edi. 30 000 kvadrat fut hajmga ega zamonaviy uy kanadalik arxitektor Richard Lendri tomonidan loyihalashtirilgan.
15 ta yotoqxonaga ega uyning tomi va pardoz ishlari tugatilgan bo‘lib, unda oziq-ovqat, energiya manbalariga ega bo‘lgan yerosti bunkeri ham joylashgan. Xonadon Kaylining onasi Kris Jenner va opasi Xloi Kardashyanlarning uyidan uzoq bo‘lmagan hududda joylashgan.
Kris Jenner o‘zining 8 xonali uyini 20 million dollarga, Xloi Kardashyan esa ko‘chmas mulkini 17 million dollarga xarid qilishgan. Hozircha Kayli Jenner o‘zining yangi uyiga kirishi uchun uzun tunneldan iborat yo‘ldan o‘tishi kerak. Katta ehtimol bilan mazkur tunnel yerosti bunkeriga olib boradi.
Uyning yon tarafida mashinalar to‘xtash joyi va xavfsizlik xodimlari yashaydigan uy quriladi, chunki avvallari Kayli juda ko‘p bor ta’qiblarga uchragan.
Turmush o‘rtog‘i Trevis Skott bilan ajrashgan Kayli yangi xonadonda 6 yoshli qizi Stormi va ikki yoshli o‘g‘li Eyr bilan birga yashaydi.
Izoh (0)