Dunyodagi eng keksa odam hisoblangan Venesuela fuqarosi Xuan Visente Peres Mora salkam 115 yoshida vafot etdi. Bu haqda mamlakat prezidenti Nikolas Maduro ma’lum qildi.
“Dunyoning eng keksa odami sifatida Ginnesning rekordlar kitobiga kiritilgan Xuan Visente Peres Mora 114 yoshida vafot etdi. Uning oilasini quchoqlab, El-Kobre shahrining barcha aholisiga hamdardlik bildiraman”, — deb yozdi Maduro.
El Nacional gazetasiga ko‘ra, Peres Mora 114 yosh-u 339 kunligida nafas olish tizimidagi asoratlar tufayli 115 yoshga to‘lishidan biroz oldin vafot etdi. U 2022-yil 112 yoshida vafot etgan ispaniyalik Saturnino de la Fuente Garsiyani ortda qoldirib, 112 yosh-u 253 kunlik yoshi bilan Ginnesning rekordlar kitobiga dunyoning eng keksa odami sifatida kiritilgandi.
Peres Mora o‘zining uzoq umr ko‘rishini “doimiy ish, yaxshi dam olish, erta uyqu va kundalik bir stakan brendi” bilan izohlagan. Shu bilan birga, u yaxshi ovqatlangan, ibodat qilgan, suv ichgan va erta uyquga yotgan.
Izoh (0)