Interyer dizayneri va kolleksioner, model Ayris Apfel Floridadagi uyida 102 yoshida vafot etdi. Bu haqda uning vakili Stu Loeserga tayanib, The New York Times xabar berdi.
Ayris Burrell 1921-yilda Kvinsda tug‘ilgan. U Nyu York va Viskonsin universitetlarida sanʼat sohasida tahsil olgan. 1948-yilda Ayris Karl Apfel bilan turmush qurgan.
Ayris Trumendan tortib Klintongacha bo‘lgan prezidentlarning uyi va ofislari interyer dizayneri bo‘lgan. Loyihalarning barchasini 2015-yil 100 yoshda vafot etgan turmush o‘rtog‘i, Old World Weavers tekstil ishlab chiqarish kompaniyasi rahbari Karl bilan birgalikda amalga oshirgan.
Apfel keksalik chog‘ida hippi va yuqori modani uyg‘unlashtirgan jasur bogem uslubi bilan mashhurlikka erishgan. Dizayner 90 yoshga to‘lganda MAC uchun yorqin pardoz liniyasini ishlab chiqqan va kompaniyaning unutilmas yuziga aylangan. NYTga ko‘ra, u 1992-yilda o‘z kompaniyasini sotgach, firmada maslahatchi sifatida ishlashda davom etgan. 2013-yilda The Guardian gazetasi Apfelni 50 yoshdan oshgan eng zamonaviy ayollar ro‘yxatiga kiritgan. 2019-yilda, 97 yoshli Ayris IMG modellik agentligi bilan shartnoma imzolagan.
Izoh (0)