Dam olish kunlari respublika hududining katta qismida yog‘ingarchiliksiz ob-havo bo‘lishi kutilmoqda, faqat Farg‘ona vodiysi viloyatlarida ba’zi joylarda yomg‘ir yog‘adi, deb xabar bermoqda “O‘zgidromet”.
Ma’lum qilinishicha, 30—31-mart kunlari harorat asta-sekin ko‘tariladi va yakshanba kuni havo 14-17 daraja iliqqacha isiydi. Kechalari harorat pasayadi va yakshanba kuniga o‘tar kechasi havo 0-5 daraja iliqqacha bo‘ladi.
Respublikaning tog‘oldi va tog‘li hududlarida dam olish kunlari vaqti-vaqti bilan yog‘ingarchilik (yomg‘ir, qor) bo‘ladi. Sel-suv toshqini hodisalari yuzaga kelishi mumkin. Qor ko‘chish xavfi saqlanib turadi.
Toshkentda 30—31-martda yog‘ingarchilik kutilmaydi. Harorat shanba kuni 12-14 daraja iliq, yakshanba kuni 14-16 daraja iliq bo‘ladi. Kechalari harorat 3-5 daraja iliqqacha asta-sekin pasayadi.
Izoh (0)