Andijon viloyatida energiya resurslaridan noqonuniy foydalanish holatlari fosh etildi, deb xabar beradi Bosh prokuratura huzuridagi departament.
Qayd etilishicha, departamentning Bo‘ston tumani bo‘limi tomonidan “O‘zenergoinspeksiya” hududiy boshqarmasi xodimlari bilan hamkorligida reyd tadbiri o‘tkazilgan. Tadbirda “A.F” MCHJ masʼul shaxslari va boshqalar MCHJ ishlab chiqarish sexidagi elektr hisoblash uskunasi nazorat muhrni buzib, elektr energiyadan noqonuniy foydalanib, davlat va jamiyat manfaatlariga 1,3 milliard so‘m zarar yetkazgani aniqlangan.
Departamentning Andijon shahar bo‘limi va “Hududgaz Andijon” GTF xodimlari hamkorligida o‘tkazilgan reyd tadbirida “A.S.” NTM masʼul shaxslari va boshqalar “Do‘stlik” MFY hududidagi taʼlim muassasasini umumiy foydalanishdagi gaz tarmog‘iga tijorat maqsadida o‘zboshimchalik bilan to‘g‘ridan to‘g‘ri ulab, jami 628,1 million so‘mlik tabiiy gazdan noqonuniy foydalangani ma’lum bo‘lgan.
Shu kabi, departamentning Xonobod shahar bo‘limi, IIB va viloyat ETK xodimlari hamkorligida o‘tkazilgan tergovga qadar tekshiruvda “X.A.” MCHJ masʼul shaxslari va boshqalar, MCHJning savdo markazida umumiy foydalanishdagi elektr tarmog‘iga o‘zboshimchalik bilan ulanib, jami 406,5 million so‘mlik elektr energiyasidan noqonuniy foydalangani aniqlangan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)