Дам олиш кунлари республика ҳудудининг катта қисмида ёғингарчиликсиз об-ҳаво бўлиши кутилмоқда, фақат Фарғона водийси вилоятларида баъзи жойларда ёмғир ёғади, деб хабар бермоқда “Ўзгидромет”.
Маълум қилинишича, 30—31 март кунлари ҳарорат аста-секин кўтарилади ва якшанба куни ҳаво 14-17 даража илиққача исийди. Кечалари ҳарорат пасаяди ва якшанба кунига ўтар кечаси ҳаво 0-5 даража илиққача бўлади.
Республиканинг тоғолди ва тоғли ҳудудларида дам олиш кунлари вақти-вақти билан ёғингарчилик (ёмғир, қор) бўлади. Сел-сув тошқини ҳодисалари юзага келиши мумкин. Қор кўчиш хавфи сақланиб туради.
Тошкентда 30—31 мартда ёғингарчилик кутилмайди. Ҳарорат шанба куни 12-14 даража илиқ, якшанба куни 14-16 даража илиқ бўлади. Кечалари ҳарорат 3-5 даража илиққача аста-секин пасаяди.
Изоҳ (0)