Milliardlab daromad va muxlislarga ega bo‘lishlariga qaramay, mazkur aktyorlar oddiylikdan zavq olishni unutmagan. Quyida osoyishta kundalik hayotni afzal ko‘ruvchi va kamtarlikni yo‘qotmagan mashhurlarni ko‘rib chiqamiz.
Devid Bekhem
Devid Bekhem nafaqat iqtidorli futbolchi, balki mehnatsevar fermer hamdir. O‘tgan yangi yil bayramida uning rafiqasi Viktoriya futbolchiga tovuqxona sovg‘a qildi. Devid tovuqlarni parvarish qilayotgani aks etgan videolarni ijtimoiy tarmoqlarga joylab turadi.
Shuningdek, pandemiya paytida Bekxem asalari uyalarini sotib oldi. Sportchining aytishicha, asalarichilik unga ruhan dam olishga yordam beradi. Futbolchi hatto mustaqil tarzda asalari uyalari yasay oladi.
Jared Leto
Jaredning muxlislariga bo‘lgan hurmati doimo yuqori pog‘onada turadi. Aktyor konsertlarda fanatlar bilan uchrashuvlar tashkil qilishdan tashqari, ba’zan muxlislar bilan telefon orqali bog‘lanib turadi. Masalan, 2021-yilda yulduz fanatlaridan biriga qo‘ng‘iroq qilib, uni tug‘ilgan kuni bilan tabriklagan.
Jennifer Lopes va Ben Afflek
Tasavvur qiling, tamaddi qilish uchun qahvaxonaga kirsangiz, u yerdagi kassada aktrisa Jennifer Lopes va uning turmush o‘rtog‘i Ben Afflek turibdi. Ishonish qiyin-a? 2023-yil yanvar oyida mashhur juftlik Dunkin Donuts’da shirinliklar sotgan. Mashhurlar mazkur kafega tashrif buyurgan barcha insonlarga yaxshi kayfiyat ulashganiga ishonchimiz komil.
Uma Turman
Ba’zilar uchun bog‘dorchilik zerikarli kasbdir, ammo aktrisa Uma Turman bog‘da mehnat qilishdan o‘zgacha zavq oladi. Uning so‘zlariga ko‘ra, tabiat qo‘ynida ishlash va o‘simliklar yetishtirish Uma Turman uchun meditatsiya va tinchlantiruvchi mashg‘ulotdir. Konsertlardan bo‘sh vaqtida aktrisa sabzavotlar yetishtirishga ham ulguradi.
Timoti Shalame
Muxlislar sevimli yulduzlariga qo‘l mehnati bilan tayyorlangan turli hadyalarni berishni yaxshi ko‘radi. Ko‘pchilik yulduzlar bunday sovg‘alarga beparvo bo‘lishi mumkin, ammo aktyor Timote Shalame uchun har qanday sovg‘a azizdir. Aktyor o‘z muxlislaridan olgan barcha rasmlarni qabul qiladi va ularni yig‘ib boradi.
Jennifer Garner
Bir necha yil avval Jennifer Garner organik oziq-ovqat mahsulotlarini ishlab chiqarish bilan shug‘ullanadigan Unce upon a farm kompaniyasining rasmiy vakiliga aylandi. Yetishtiriladigan mahsulotlar sifatini tekshirish uchun Jennifer Garner dehqonchilik xo‘jaligiga shaxsan tashrif buyurib turadi. Ba’zan u mevalarni terishda ham yordam beradi.
Izoh (0)