Qozog‘istonda 2024-yil boshidan buyon o‘tkir virusli gepatit A bilan kasallanishning 850 ta holati qayd etildi. Bu o‘tgan yilga nisbatan 1,9 barobar ko‘pdir. Bu haqda Sog‘liqni saqlash vazirligiga tayanib, “Vlast.kz” xabar berdi.
Shifokorlar gepatit kasal odam bilan aloqa qilgandan keyin ifloslangan suv, oziq-ovqat va iflos qo‘llar orqali yuqishi haqida ogohlantirmoqda.
Kasallik belgilari isitma, bosh og‘rig‘i, ishtahaning yo‘qolishi, holsizlik, ko‘ngil aynishi, qusishdir. Inkubatsiya davri 14 dan 35 kungacha. Gepatit A bilan kasallanganlar simptomlar boshlanishidan 2 hafta oldin va bir hafta o‘tgach atrofdagilar uchun yuqumli bo‘ladi, — deydi shifokorlar.
Gepatit infeksiyasidan himoyalanish uchun quyidagilar tavsiya qilingan:
Ovqatlanishdan oldin, hojatxonaga qatnagandan keyin, ishdan, sayrdan qaytganda qo‘lingizni yuving, ochiq suv havzalaridan qaynatilmagan suv ichmang va u bilan meva-sabzavotlarni yuvmang, ifloslangan suvlarda suzmang, — deyiladi tavsiyada.
Izoh (0)