Shavkat Mirziyoyev Hindistonda ro‘y bergan temiryo‘l halokati oqibatida ko‘plab insonlar halok bo‘lgani va jarohatlangani munosabati bilan Hindiston prezidenti Draupadi Murmu va bosh vaziri Narendra Modiga taʼziya yo‘lladi. Bu haqda prezident matbuot kotibi xabar berdi.
Davlat rahbari vafot etganlarning oila aʼzolari va yaqinlariga chuqur hamdardlik bildirib, jarohat olganlar tez fursatda sog‘ayib ketishini tilagan.
Odisha shahrida 2-iyun kuni mahalliy vaqt bilan 19:20 atrofida (Toshkent vaqti bilan 18:50) Coromandel Express yo‘lovchi poyezdi va yuk poyezdi to‘qnashgan. Oqibatda sakkizta vagon relsdan chiqib ketgan. Hindustan Times gazetasining yozishicha, vagonlar qo‘shni yo‘lga ag‘darilgan, u yerda vagonlarga boshqa yo‘lovchi poyezdi kelib urilgan. Hozirda poyezdlar to‘qnashuvi qurbonlari soni 288 kishiga yetgan. Bu Hindistonda so‘nggi 20 yilda ro‘y bergan eng yirik avariyadir. Mamlakatda motam e’lon qilingan.
Hindiston bosh vaziri Narendra Modi voqea munosabati bilan hamdardlik bildirdi va qurbonlarning oilalariga 2 million rupiy (24,3 ming dollar), yaradorlarga esa 50 ming rupiy (600 dollardan sal ko‘proq) to‘lanishini aytgan.
Izoh (0)