O‘zbekistonda o‘zini o‘zi band qiladigan shaxslar shug‘ullanishi mumkin bo‘lgan faoliyat turlari ro‘yxati kengaytirildi. Bu prezidentning 10-noyabrdagi “Kichik va o‘rta biznesni moliyaviy qo‘llab-quvvatlash tizimni takomillashtirish chora-tadbirlar to‘g‘risida”gi farmonida belgilandi.
Hujjatga ko‘ra, o‘zini o‘zi band qiladigan shaxslar shug‘ullanishi mumkin bo‘lgan faoliyat turlari ro‘yxatiga yana 19 ta faoliyat turi kiritildi:
- qayta ishlangan jundan kiyim va boshqa mahsulotlarni to‘qish;
- uy sharoitda loydan tandir tayyorlash;
- atlas va adras to‘qish;
- mayda munchoq (biser) yasash;
- do‘ppido‘zlik mahsulotlarini uy sharoitda tayyorlash;
- temirchilik mahsulotlarini uy sharoitda tayyorlash;
- asalarichilik, shuningdek, asalari uyalari va ularning ramkalarini yasash;
- quroqchilik usulida ko‘ylak, ko‘rpa va yopinchiq tikish;
- qo‘ziqorinlarni yig‘ish, uyda yetishtirish va sotish;
- pichoq tayyorlash, charxlash va sotish;
- qog‘ozdan qutilar, banderollar tayyorlash;
- uy sharoitda issiqxona mahsulotlarini yetishtirish;
- tayyor mahsulotlarga etiketka biriktirish;
- uy sharoitda bolalar o‘yinchog‘i ishlab chiqarish;
- uy sharoitda supurgi yetishtirish va tayyorlash;
- yassi oyoqli bolalar oyoq kiyimlarini tayyorlash;
- milliy taqinchoqlar yasash;
- kandakorlik, miskarlik buyumlarini uy sharoitida tayyorlash;
- dag‘al jundan gilam, ko‘rpa, yostiq yasash.
Endilikda ushbu ro‘yxatga yakka tartibdagi tadbirkorlar uchun 101 turdagi faoliyat turlari kiradi.
Izoh (0)