Эроннинг Покистондаги элчихонаси барча давлатларни, хусусан, исломий давлатларни исломофобия, диний зўравонлик ва терроризмга қарши ҳамжиҳатликда курашишга чақирди. Бу ҳақда IRNA нашри хабар берди.
Эроннинг Покистондаги элчихонаси 15 март кунини Халқаро исломофобияга қарши кураш куни сифатида нишонлаш муносабати билан миллий, минтақавий ва халқаро миқёсда, хусусан, исломий мамлакатларда исломофобия феноменига қарши курашиш учун мувофиқлаштирилган чора-тадбирлар кўриш зарурлигини таъкидлаган. Ушбу ҳаракат фақат Яқин Шарқда эмас, балки бутун дунёда ишлаши кераклиги урғуланган.
Баёнотда айтилишича, сионизм ва мустамлакачилик ташкилотлари муқаддас Қуръонни ёқиш, Ислом пайғамбарини ҳақорат қилиш, “фикр эркинлиги” баҳонасида бир ярим миллиард инсоннинг муқаддас нарсалари, эътиқодлари ва диний қадриятларини очиқдан очиқ ҳақорат қилиш каби фитналар уюштирмоқда. Ушбу ҳаракатлар асло оддий ҳолат сифатида қабул қилиниши керак эмас.
“Бу хавфли ҳодиса кескинликнинг кучайишига, мусулмонларга нисбатан нафрат, исломофобия ва зўравонликнинг кучайишига сабаб бўлиб, халқаро тинчлик ва хавфсизлик, инсон ҳуқуқларига таҳдид, халқлар ва илоҳий дин эътиқодчилари ўртасидаги тинч муносабатлар ва тинч-тотув яшашга таҳдид юзага келтиради”, — дейилган Покистондаги Эрон элчихонаси расмий баёнотида.
Изоҳ (0)