Toronto politsiyasi jamoat yig‘ilishida aholiga murojaat qilib, avtomobil kalitlarini uyga olib kirmay, old eshik oldida — o‘g‘rilarga ko‘rinadigan joyda qoldirishga chaqirdi.
Politsiyaning ta’kidlashicha, bu jinoyatchilar avtomobilni o‘g‘irlash uchun uyga bostirib kirishining oldini oladi. Torontoda kalitni olish uchun uyga bostirib kirib, avtomashinalarni o‘g‘irlash holatlari 2023-yilda 400 foizga oshgan.
Politsiya zo‘ravonlik avj olishidan xavotirda.
“O‘g‘rilar transport vositalarini o‘g‘irlash uchun barcha turdagi qurollardan foydalanmoqda. Ularning qo‘lidagi to‘pponcha o‘yinchoq emas, haqiqiy”, — dedi politsiya ofitseri.
Toronto politsiyasi aholiga o‘z hayoti xavfsizligini avtomobildan ustun qo‘yishni maslahat bergan bo‘lsa-da, o‘g‘rilardan himoyalanish uchun bir qator tavsiyalarni ham o‘z saytida e’lon qilgan.
Jumladan, uyni xavfsizlik tizimiga ulash, kuzatuv kameralari o‘rnatish, ishonchli eshik qulflaridan foydalanish, orqa hovli eshiklarini qulflab yurish va hokazo.
Izoh (0)