Farg‘ona viloyatida xavfsizlik choralari ko‘rilmagan metan zapravka gaz ta’minotidan ajratildi. Bu haqda “O‘zenergoinspeksiya” xabar berdi.
Unga ko‘ra, Energetika vazirligi huzuridagi “O‘zenergoinspeksiya” Farg‘ona viloyati hududiy boshqarmasi tomonidan Bog‘dod tumanida joylashgan “T.G.C.” MCHJga qarashli avtomobillarga gaz to‘ldirish kompressor shoxobchasida o‘rnatilgan texnologiya jarayonlarining va texnologik asbob-uskunalarining amaldagi me’yor va qoidalarga muvofiqligi, tabiiy gazni qabul qilib olish, saqlash, tarqatilishi holatlari yuzasidan o‘rganish o‘tkazildi.
O‘rganish jarayonida AGTKSHlar faoliyatida aholi hayoti va sog‘lig‘iga xavf tug‘ilishi bilan bog‘liq bo‘lgan qo‘pol qoidabuzarliklar aniqlandi. Ushbu holatdagi qoidabuzarlikka sabab bo‘luvchi omillar to‘liq bartaraf etilgunga qadar mazkur AGTKSH (10 kun muddatgacha) tabiiy gaz ta’minotidan ajratildi.
Izoh (0)