O‘zbekistonda har mavsumda ishlaydigan mamlakatdagi yirik akvapark, kapsulali mehmonxonaga ega Festivallar vodiysi, turli narx toifalarini taklif etuvchi dunyo restoranlari brendlari, jumladan, mashhur “Novikov Cafe” ish boshlaydi.
Tourism&Entertainment Group kompaniyasi O‘zbekiston mehmonnavozlik sohasini yangi darajaga olib chiquvchi bir qator keng ko‘lamli loyihalarni ishga tushiradi. Biznesga yosh va ambitsiyalarga boy tadbirkor – Rustam Abduvohidov rahbarlik qiladi.
Tourism&Entertainment Group faoliyati O‘zbekistonda turizm industriyasini rivojlantirishga qaratilgan. Men ushbu sohani jadallashtirishga ehtiyoj mavjud deb hisoblayman. Turizm nihoyatda kuchli salohiyatga ega soha, men mamlakatimizni dunyo maydonida yanada taniqli qilish uchun bu sohani rivojlantirish istagidaman. Har bir mintaqaning o‘z langar-shaharlari, boshqacha aytganda, diqqat-e’tibor markazlari mavjud. Markaziy Osiyoda Toshkent mana shunday langarga aylanishini istardim”, — dedi direktor Rustam Abduvohidov.
Tourism&Entertainment Group quyidagi yirik loyihalar ijrosiga kirishdi:
- O‘zbekistonda katta akvaparkni loyihalashtirish. U har mavsumda ishlaydi va 20 gektardan kattaroq joyni egallaydi. Loyihalashni Amerikaning Legacy Entertainment kompaniyasi olib bordi;
- Parkent tumanining xushmanzara tog‘li hududida Festivallar vodiysining qurilishi. Loyiha kapsulali mehmonxona va ommaviy tadbirlar – open air lar, ochiq osmon ostida konsertlar, festivallar o‘tkazish uchun zarur infratuzilma qurishni ko‘zda tutadi;
- Yangi gastronomik maskanlar ochilishi. O‘zbekiston bozoriga o‘rtachadan premial segmentgacha bo‘lgan turli narx toifalariga mansub loyihalar bilan dunyoga mashhur restoran brendlari kirib keladi. 2024-yil ikkinchi yarmida O‘zbekistonda birinchi “Novikov Cafe” – mashhur restorator Arkadiy Novikovning bevosita ishtirokida yangi restoranni ishga tushirish rejalashtirilgan.
Investitsiyalarning umumiy qiymati 200 mln dan ziyod AQSh dollarini tashkil qiladi.
“Obyektlarni quribgina qolmay, turizm industriyasida o‘yin qoidalarini o‘zgartirishga ham intilayotganimiz muhim. Yakuniy iste'molchi har doim o‘z ta'bi va hamyoniga mos dam olish turini topa olishi uchun takliflar sonini oshirishimiz lozim.
Masalan, “Festivallar vodiysi” loyihamizni olaylik. Parkent – aql bovar qilmas go‘zal, xushmanzara joy. Biz u yerda tabiatni g‘amxo‘rlik bilan saqlab qolib, infratuzilma bunyod etamiz va Amerikaning Burning Man`iga tenglashadigan keng ko‘lamli festivallar uyushtira olamiz. O‘zbekiston manzillari va tadbirlari ham butun dunyodan sayyohlarni jalb qiluvchi afsonaga aylana oladi! Vodiyda varraklar festivali, gullar festivali, sport musobaqalari, ochiq osmon ostida musiqa oqshomlari o‘tkaziladi. O‘zbekiston aholisi ham dam olishi uchun safarning kamxarjroq shakllari: kapsulali mehmonxonada yashash, festival hududidagi turli narx segmentlariga ega maskanlarda taomlanishni ko‘zda tutdik”, — rejalari bilan o‘rtoqlashdi Tourism&Entertainment Group direktori Rustam Abduvohidov.
Tourism&Entertainment Group — biznesda yangi emas. Kompaniya portfelida “Milliy bog‘”, Wellmore Resort Hotel-Charvak hashamatli mehmonxona majmuasi, CAEx Uzbekistan ko‘p funksiyali ko‘rgazma markazi, Ecobozor Beruniy yangi formatdagi ekobozor boshqaruvi kabi loyihalar mavjud.
Izoh (0)