Ўзбекистонда ҳар мавсумда ишлайдиган мамлакатдаги йирик аквапарк, капсулали меҳмонхонага эга Фестиваллар водийси, турли нарх тоифаларини таклиф этувчи дунё ресторанлари брендлари, жумладан, машҳур “Новиков Cафе” иш бошлайди.
Tourism&Entertainment Group компанияси Ўзбекистон меҳмоннавозлик соҳасини янги даражага олиб чиқувчи бир қатор кенг кўламли лойиҳаларни ишга туширади. Бизнесга ёш ва амбицияларга бой тадбиркор – Рустам Абдувоҳидов раҳбарлик қилади.
Tourism&Entertainment Group фаолияти Ўзбекистонда туризм индустриясини ривожлантиришга қаратилган. Мен ушбу соҳани жадаллаштиришга эҳтиёж мавжуд деб ҳисоблайман. Туризм ниҳоятда кучли салоҳиятга эга соҳа, мен мамлакатимизни дунё майдонида янада таниқли қилиш учун бу соҳани ривожлантириш истагидаман. Ҳар бир минтақанинг ўз лангар-шаҳарлари, бошқача айтганда, диққат-эътибор марказлари мавжуд. Марказий Осиёда Тошкент мана шундай лангарга айланишини истардим”, — деди директор Рустам Абдувоҳидов.
Tourism&Entertainment Group қуйидаги йирик лойиҳалар ижросига киришди:
- Ўзбекистонда катта аквапаркни лойиҳалаштириш. У ҳар мавсумда ишлайди ва 20 гектардан каттароқ жойни эгаллайди. Лойиҳалашни Американинг Legacy Entertainment компанияси олиб борди;
- Паркент туманининг хушманзара тоғли ҳудудида Фестиваллар водийсининг қурилиши. Лойиҳа капсулали меҳмонхона ва оммавий тадбирлар – опен аир лар, очиқ осмон остида концертлар, фестиваллар ўтказиш учун зарур инфратузилма қуришни кўзда тутади;
- Янги гастрономик масканлар очилиши. Ўзбекистон бозорига ўртачадан премиал сегментгача бўлган турли нарх тоифаларига мансуб лойиҳалар билан дунёга машҳур ресторан брендлари кириб келади. 2024 йил иккинчи ярмида Ўзбекистонда биринчи “Новиков Cафе” – машҳур ресторатор Аркадий Новиковнинг бевосита иштирокида янги ресторанни ишга тушириш режалаштирилган.
Инвестицияларнинг умумий қиймати 200 млн дан зиёд АҚШ долларини ташкил қилади.
“Объектларни қурибгина қолмай, туризм индустриясида ўйин қоидаларини ўзгартиришга ҳам интилаётганимиз муҳим. Якуний истеъмолчи ҳар доим ўз таъби ва ҳамёнига мос дам олиш турини топа олиши учун таклифлар сонини оширишимиз лозим.
Масалан, “Фестиваллар водийси” лойиҳамизни олайлик. Паркент – ақл бовар қилмас гўзал, хушманзара жой. Биз у ерда табиатни ғамхўрлик билан сақлаб қолиб, инфратузилма бунёд этамиз ва Американинг Бурнинг Ман`ига тенглашадиган кенг кўламли фестиваллар уюштира оламиз. Ўзбекистон манзиллари ва тадбирлари ҳам бутун дунёдан сайёҳларни жалб қилувчи афсонага айлана олади! Водийда варраклар фестивали, гуллар фестивали, спорт мусобақалари, очиқ осмон остида мусиқа оқшомлари ўтказилади. Ўзбекистон аҳолиси ҳам дам олиши учун сафарнинг камхаржроқ шакллари: капсулали меҳмонхонада яшаш, фестивал ҳудудидаги турли нарх сегментларига эга масканларда таомланишни кўзда тутдик”, — режалари билан ўртоқлашди Tourism&Entertainment Group директори Рустам Абдувоҳидов.
Tourism&Entertainment Group — бизнесда янги эмас. Компания портфелида “Миллий боғ”, Wеллморе Resort Hotel-Чарвак ҳашаматли меҳмонхона мажмуаси, CAEx Узбекистан кўп функцияли кўргазма маркази, Ecobozor Беруний янги форматдаги экобозор бошқаруви каби лойиҳалар мавжуд.
Изоҳ (0)