Yevropa Ittifoqining tashqi ishlar va xavfsizlik siyosati bo‘yicha oliy vakili Jozep Borrel dronlar va sunʼiy intellektni rivojlantirishni qo‘llab-quvvatlash uchun Ukrainaga yordam jamg‘armasi yaratish taklifini maʼlum qildi. Bu haqda “TASS” xabar berdi.
Borrelga ko‘ra, urush natijasi yozgacha hal bo‘ladi, ammo olti oydan keyin Kiyev o‘ta og‘ir vaziyatga tushib qolishi mumkin. Uning taʼkidlashicha, Ukraina tashqi ishlar vaziri Dmitriy Kuleba Yevropa Ittifoqining so‘nggi yig‘ilishida juda qayg‘uli ohangda o‘q-dorilar hamjamiyat vaʼda qilgan miqdorda yetib kelmayotganini aytgan.
“Men Yevropa Ittifoqiga aʼzo davlatlarga Ukrainaga ushbu urush uchun yangi vositalar: dron va sunʼiy intellekt yaratish uchun fond joriy qilishni taklif qilmoqchiman”, — dedi Borrell.
Siyosatchi Ukraina jamiyatida mojarodan charchoq borligini tan olgan, lekin uni Yevropada ham shunga o‘xshash his-tuyg‘ular ko‘proq tashvishga solmoqda. Diplomat hamma urushlar tinchlik bilan tugamasligini qo‘shimcha qilgan.
Izoh (0)