AQSH prezidenti Jo Bayden Milliy gubernatorlar assotsiatsiyasining yillik yig‘ilishida so‘zga chiqib, Rossiya prezidenti Vladimir Putinni Xitoy rahbari Si Szinpin bilan adashtirib yubordi. Bu haqda “Kommersant” xabar berdi.
“Men Si Szinpin bilan ko‘p vaqt o‘tkazdim. U bilan juda ko‘p kelishmovchiliklarga uchradim. Vitse-prezident bo‘lganimda prezidentim Si Szinpin bilan uchrashishim kerakligini aytgan. Chunki u Rossiyani boshqarishi aniq edi”, — dedi Bayden.
https://youtu.be/YJ9fgeN91M8?si=Pnf9guSJzDhGKq6O
Amerika prezidenti xatoni darhol tuzatgan. Keyin u Si Szinpin bilan AQSH va Xitoy bo‘ylab 17 ming mil yo‘l bosib o‘tgan hikoyasini takrorlagan.
O‘tgan bir oy ichida Bayden aksar dunyo yetakchilarini tilga olishda bir necha bor xatoga yo‘l qo‘ygan. Xususan, u Fransiyaning marhum sobiq prezidenti Fransua Mitteranni amaldagi davlat rahbari Emmanuel Makron bilan, 2017-yilda vafot etgan Germaniya sobiq kansleri Gelmut Kolni Germaniya sobiq kansleri Angela Merkel bilan adashtirib yuborgan edi.
Izoh (0)