Qirg‘iziston Milliy xavfsizlik davlat qo‘mitasi rahbari Qamchibek Tashiyev rasman Qirg‘iziston futbol ittifoqi prezidenti bo‘ldi. Bu haqda 24.kg xabar berdi.
Tegishli qaror Qirg‘iziston futbol ittifoqining navbatdan tashqari kongressida qabul qilingan. Qamchibek Tashiyev bir ovozdan saylangan. U ittifoqni 2026-yilning apreligacha boshqaradi. Ushbu lavozimga faqat bitta nomzod – Qamchibek Tashiyev taklif etilgan edi. Uning nomzodi “Talant” futbol klubi tomonidan ilgari surilgan.
Qirg‘iziston futbol ittifoqining sobiq prezidenti Mederbek Sidiqov 29-yanvar kuni o‘z lavozimini tark etgan. Respublika rahbari Sadir Japarov shaxsan Qamchibek Tashiyevni futbol ittifoqiga rahbarlik qilishini ilgari surgandi.
Izoh (0)