Nyu-York federal sudi juma kuni AQShning sobiq prezidenti Donald Tramp yozuvchi va sharhlovchi Elizabet Jan Kerrollga tuhmat uchun 83 million dollardan ortiq tovon to‘lashi kerak, deb topdi.
11 million dollar yozuvchining obro‘siga yetkazilgan ziyon uchun, 7,3 million dollar ruhiy zarar uchun va jazo tariqasida yana 65 million dollar, deb yozadi NBC News.
Trampning o‘zi ham hukm e’lon qilinishini kutmay, hakamlar hay’ati qaror chiqarguncha sud binosini tark etdi.
Keyinchalik u Truth Social ijtimoiy tarmog‘ida hakamlar hay’ati qarorini “mutlaqo kulgili” deb hisoblagani va qaror ustidan shikoyat qilmoqchi ekanini yozgan.
Kerol sud binosini tark etar ekan, vaziyatga izoh bermadi. Avvalroq u sobiq prezidentni ta’qib va tuhmat uchun sudga berib, 5 million dollar undirgan edi.
Izoh (0)