Rossiyalik siyosatchi Aleksey Navalniy Yamal-Nenetsk avtonom okrugidagi 3-sonli axloq tuzatish koloniyasida vafot etdi. Bu haqda Federal Jazoni ijro etish xizmatining mahalliy boshqarmasi xabar berdi.
14-fevral kuni siyosatchining matbuot kotibi Kira Yarmish Navalniy jazo o‘tash davomida 27-marta jarima izolyatoriga joylashtirilganini ma’lum qildi. Marhum 47 yoshda bo‘lgan. Rossiya Federal Jazoni ijro etish xizmati Navalniy vafot etgan Yamal-Nenets avtonom okrugidagi 3-sonli axloq tuzatish koloniyasiga komissiya yubormoqda.
Muxolifatchi sayrdan keyin o‘zini yomon his qilib, hushini yo‘qotgani, ko‘rsatilgan birinchi yordam esa samara bermagani aytilmoqda.
“Shifokorlar Navalniyning o‘limi sabablarini aniqlashi kerak. Federal Jazoni ijro etish xizmati barcha tekshiruvlarni amalga oshiradi, maxsus ko‘rsatmalar kerak emas”, — deydi Kreml matbuot kotibi Dmitriy Peskov.
Izoh (0)