Yevropa Ittifoqi o‘zining yadro qurolini yarata oladimi?

Germaniya parlamenti mudofaa qo‘mitasi raisi Mari-Agnes Shtrak-Zimmermanning fikricha, o‘z yadro quroliga ega bo‘lish g‘oyasi Yevropa Ittifoqi uchun real emas, Yevropa Ittifoqi mustaqil yadroviy vositalarni ishlab chiqishdan ko‘ra, boshqa sohalarga ustunlik berishi lozim. Bu haqda u Deutschland Funk nashriga bergan intervyusida aytib o‘tgan, deya xabar berdi “Gazeta.ru”.

Oxir oqibat, bu rivojlangan, murakkab tizim bo‘lib, uning doirasida butun Yevropa himoyalanishi kerak. Menimcha, ko‘pchilik xarajatlardan tashqari bu nimani anglatishini tushunmayapti. Bu keng jamoatchilik muhokama qilishi shart bo‘lmagan mavzu, — dedi Shtrak-Zimmermann.

Bundan oldin Polsha bosh vaziri Donald Tusk Fransiya prezidenti Emmanuel Makronning Yevropaning ayrim davlatlarini yadro quroli bilan ta’minlash haqidagi va’dasini olqishlagan edi. Bundan tashqari, NATO Bosh kotibi Yens Stoltenberg Yevropadagi mavjud yadroviy bardoshlilikni yaxshi ish beradigan tizim deb atab, uning ishini buzish mumkin emasligini ma’lum qilgan. Avvalroq, AQSH Ukrainadagi mojaro tufayli NATOning tarqatib yuborilishiga ruxsat bergan edi.