Ўзбекистон президенти Шавкат Мирзиёев ва Беларусь президенти Александр Лукашенко Тошкентдаги “Ҳумо Арена” спорт мажмуасига ташриф буюргани ҳақида хабар берилган эди.
Ўзбекистон президенти матбуот хизматининг маълум қилишича, муз саройидаги ушбу учрашув чуқур рамзий маънога эга. Александр Лукашенко – хоккей ишқибози, Беларусда ушбу спорт турини ривожлантиришга алоҳида эътибор қаратди, ўз ҳам бир неча бор муз майдонига тушган.
Ўзбекистонда ҳам спортнинг қишки турлари, шу жумладан хоккейни ривожлантириш бўйича катта ишлар қилинмоқда. 2019 йилда Шавкат Мирзиёев ташаббуси билан “Ҳумо Арена” кўп функцияли муз саройи барпо қилинган эди. Тошкентнинг “Ҳумо” жамоаси халқаро ва минтақавий мусобақаларда муваффақиятли иштирок этмоқда, хусусан, Беларуснинг Гродно шаҳри “Неман” клуби билан беллашиб келмоқда.
Танишув чоғида президентлар Тошкентнинг “Ҳумо” ва Остонанинг “Nomad” хоккей жамоалари ўртасидаги учрашувни томоша қилди. Ўйин якунида олий мартабали меҳмонларга уларнинг исмлари туширилган хоккей кийими топширилди.
Ташрифнинг асосий тадбирлари эртага, 8 февраль кунига режалаштирилган.
Изоҳ (0)