Navoiy viloyatida elektr energiyasi va tabiiy gazdan noqonuniy foydalanish holatlari fosh etildi, deb xabar beradi Bosh prokuratura huzuridagi departament.
Ma’lum qilinishicha, departamentning Navoiy shahar bo‘limi tomonidan IIB, “O‘zenergoinspeksiya” va “Hududgaz Navoiy” GTF xodimlari bilan hamkorlikda tergovga qadar tekshiruv o‘tkazilgan. Tekshiruvda “N-C.” MCHJ rahbari F.A. Karmana tumani “Yangiariq” MFY hududida joylashgan noturar joy obyektida qum tarkibidan qimmatbaho metallarni ajratib olish faoliyati bilan shug‘ullanib kelib, ushbu noturar binoni hamda tabiiy gazni kuchaytirib beruvchi elektr nasosni tijorat maqsadida umumiy foydalanishdagi elektr energiyasi va gaz tarmoqlariga ulab, jami 478,5 million so‘mlik tabiiy resurslarni o‘g‘irlagani aniqlangan.
Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Samarqandda noqonuniy oltin qazuvchilar 753 million so‘mlik elektr energiyasini o‘g‘irlagani ma’lum bo‘lgandi.
Izoh (0)