2023-yil Benkam tarixida muhim yil bo‘lib, uning O‘zbekiston sanoat sektorining muhim ishtirokchisi sifatidagi mavqeyini tasdiqlab berdi. Kompaniya Shimoliy Amerika tomon o‘z ufqlarini kengaytirib, AQSH bozoriga kirib bordi va ushbu qadamni brendning eng muvaffaqiyatli yutuqlaridan biri sifatida belgilab oldi.
O‘zbekiston sanoatida Benkam bu shunchaki, alyuminiy mahsulotlari ishlab chiqaruvchi korxona emas. Bu sanoat olamida charaqlagan yangi yulduz bo‘lib, uning 2023-yildagi muvaffaqiyati nafaqat milliy, balki xalqaro o‘yinchilarning ham eʼtiborini o‘ziga tortdi.
Qanday jihat Benkamni bu qadar noyob qiladi? Birinchidan, bu kompaniyaning barcha mahsulotlari javob beruvchi eng oliy sifat standartlaridir. Benkam mahsulotlarining ishonchliligi va mustahkamligi nafaqat ichki bozorda, balki xorijda ham tan olinmoqda. Benkamning alyuminiydan barqaror foydalanish borasida ilg‘or tajribalarni ishlab chiqish hamda targ‘ib qilishga bag‘ishlangan ASI (Aluminiy Barqarorlik Tashabbusi) xalqaro tashkilotiga aʼzoligi bu eʼtirofni taʼkidlovchi muhim jihatdir.
ASI — bu, shunchaki abbreviatura emas. Bu kompaniyaning alyuminiy mahsulotlarini ishlab chiqarishda barqarorlik va masʼuliyatning eng yuqori standartlariga sodiqligini taʼkidlaydigan maqom sanaladi. ASI ning to‘laqonli aʼzosi bo‘lishga erishish, Benkam uchun xavfsizlik, ekologik barqarorlik hamda ishlab chiqarishning yuqori darajasiga sodiq ekanligiga yana bir bora isbot bo‘ldi.
Zamonaviy biznes nafaqat yuqori sifatli mahsulotlarni, balki xalqaro standartlar va sertifikatlashtirishlarda ham faol ishtirok etishni talab qiladi. Light Metal Age va Aluminium International Today (AQSH va Yevropada alyuminiy sanoati uchun yetakchi platformalar) kabi nufuzli xalqaro nashrlar tomonidan Benkamga ko‘rsatilayotgan qiziqish brendning jahon miqyosida tan olinishi hamda sanoat rivojlanishiga qo‘shayotgan salmoqli hissasini taʼkidlaydi.
Shunday bo‘lsa-da, Benkam erishilgan yutuqlarda to‘xtab qolmayapti. Sifat sohasidagi IATF 16949 va energiya menejmentida ISO 50001 kabi qatʼiy standartlarning joriy etilishi kompaniyaning doimiy ravishda takomillashib borishiga hamda eng dolzarb xalqaro talablarga munosib bo‘lishiga intilishidan dalolat beradi.
Xulosa qilib shuni aytish mumkinki, Benkamning 2023-yildagi muvaffaqiyati — bu nafaqat kompaniya muvaffaqiyati, bu O‘zbekiston sanoat sektorining o‘sishiga qo‘shgan hissasi hisoblanadi. Amerika bozoridagi yangi ufqlar nafaqat qalblarni g‘urur hissiga to‘lishiga sabab, balki jahon alyuminiy mahsulotlari sanoatida uning yetakchiligini yanada oshirish hamda mavqeyini mustahkamlash uchun rag‘bat bo‘lmoqda.
Reklama huquqi asosida.
Izoh (0)