Toshkent shahar Mirzo Ulug‘bek tumanidagi Ekopark xodimi jarimaga tortildi. Bu haqda Ekologiya boshqarmasi axborot xizmati xabar berdi.
Qayd etilishicha, holat Toshkent shahar Ekologiya, atrof-muhitni muhofaza qilish va iqlim o‘zgarishi boshqarmasi Mirzo Ulug‘bek tumani bo‘limi inspektorlari nazoratiga olinib, o‘rganildi. O‘rganishlar natijasida qish kunlarida daraxtlar uyquda bo‘lishiga qaramasdan daraxtlar shoxlariga shakl berilayotgani aniqlandi.
Holat bo‘yicha “Ekopark” xodimiga Maʼmuriy javobgarlik to‘g‘risidagi kodeksning 79 -moddasi 1-qismi bilan 1 700 000 ming so‘m jarima, 1 020 000 zarar belgilandi.
Avvalroq, Oliy Majlis Qonunchilik palatasi deputatlari va Ekologik partiya fraksiyasi aʼzolari Ekologiya vazirligining Toshkent viloyati boshqarmasi tomonidan daraxtlarni kesishga berilgan ruxsatnomalarning qonuniyligi yuzasidan bosh prokurorga deputatlik so‘rovi yuborgandi.
Farg‘onada bir hafta davomida ekologiyaga zarar yetkazgan 99 kishi jarimaga tortildi, shuningdek, Farg‘ona viloyatining Bag‘dod tumanida bir tup chinor daraxtini o‘zboshimchalik bilan kesgan fuqaroga tabiatga yetkazilgan zarar uchun 47 million 775 ming so‘m jarima yozilgandi.
Izoh (0)