Qashqadaryo viloyatida daraxt kesgan hokim yordamchisi 12,7 million so‘m jarimaga tortildi. Bu haqda Ekologiya vazirligi axborot xizmati maʼlumot berdi.
Xabarga ko‘ra, Qashqadaryo viloyati Ekologiya boshqarmasi Yakkabog‘ tuman bo‘limi inspektorlari tomonidan navbatdagi nazorat reyd tadbiri olib borildi. Reyd davomida Yakkabog‘ tumani “To‘qboy” MFY hududida hokim yordamchisi P.R. tomonidan 20 ta naʼmatak butasi va 5 ta olcha daraxti noqonuniy kesilgani aniqlandi.
Holat yuzasidan huquqbuzarga nisbatan Maʼmuriy javobgarlik to‘g‘risidagi kodeksning 79-moddasi 1-qismiga asosan maʼmuriy bayonnoma rasmiylashtirildi. Daraxtlar kesilishi natijasida tabiatga 9 million 350 ming so‘m zarar yetkazilgani aniqlandi. Shuningdek, P.R. 3 million 400 ming so‘m miqdorida jarimaga tortildi.
Qayd etilishicha, huquqbuzar qilmishi uchun jami 12 million 750 ming so‘m miqdorida tovon to‘laydigan bo‘ldi.
Izoh (0)