Futbol bo‘yicha Osiyo Kubogi guruh bosqichi 3-turidan o‘rin olgan o‘yinlar 25-yanvar, payshanba kuni bo‘lib o‘tdi.
F guruhidan o‘rin olgan ikki o‘yin o‘tkazildi. Saudiya Arabistoni guruh bosqichining so‘nggi turida Tailandga qarshi bahs olib bordi. Birinchi bo‘limning o‘zida Tailand 2 marta, Saudiya esa bir martadan ofsayddan gol urdi. Shuningdek, saudiyaliklar bir marta penaltidan ham foydalana olmadi.
Ikkinchi bo‘limda ham darvozalar daxlsizligi saqlanib qoldi va jamoalar durang qayd etdi.
Guruhning ikkinchi o‘yinida Qirg‘iziston Ummon bilan bahsda 1:1 hisobida durang o‘ynadi. Ummon safida Muhsin al-Gassani gol urgan bo‘lsa, Qirg‘iziston terma jamoasi tarkibida Joel Kojo o‘z nomini tabloga yozdirib qo‘ydi.
Osiyo Kubogi
3-tur bahslari
25-yanvar, chorshanba
Saudiya Arabistoni — Tailand 0:0
Qirg‘iziston — Ummon 1:1
Gollar: 0:1 — 8 Muhsin al-Gassani, 1:1 — 80 Joel Kojo.
Izoh (0)