17-yanvar kuni Jim Kerri 62 yoshga to‘ldi. Afsonaviy aktyor o‘zining tug‘ilgan kunini do‘stlari va hamkasblari davrasida nishonladi.
Ijtimoiy tarmoqlarda tarqalgan suratlardan kechaga Adam Sendler, Set Grin, Jimmi Kimmel, Kreyg Robinson, Devid Speyd, Jeff Ross, Ben Shvars va boshqalar kelganini ko‘rish mumkin.
“Aqldan ozgan kompaniya” — deb suratga izoh qoldirdi musiqa prodyuseri Diplo.
Mehmonlarning o‘zlari esa buni “Tabassumli kechki ovqat” ekanligini taʼkidladi.
Bayramda uzun sochli Kerri shotland musiqachisi bilan ham suratga tushdi.
Mirror nashrining yozishicha, aktyor Los-Anjelesdagi San-Visente Bungalowʼda do‘stlari bilan tug‘ilgan kunini ikki hafta oldin, yanvar oyi boshida nishonlagan.
Izoh (0)