Belgiyaning Antverpen shahridagi binoning yerto‘lasidan Pablo Pikasso va Mark Shagalning o‘g‘irlangan asarlari topildi.
“Tête” va “L’homme en priere” deb nomlangan asarlar 2010-yilda Isroil fuqarosining kolleksiyasidan o‘g‘irlangan. Jinoyatchilar suratlar bilan birga uydan 680 ming dollarlik taqinchoqlarni olib ketishgandi. Ammo suratlar yashiringan joydan taqinchoqlar topilmadi.
Belgiya huquq-tartibot idoralari xabar beruvchining murojaatidan keyin tekshiruv boshladi.
Unga ko‘ra, gumonlanuvchi ikkala kartinani ham sotishga uringan, shundan so‘ng politsiya uni iziga tushgan va qo‘lga olgan. Hozirda qo‘lga olingan shaxsning kartinalar o‘g‘riligiga aloqasi bor-yo‘qligi tekshirilmoqda.
Ikki rassom suratlarining umumiy qiymati 900 ming dollarga baholanmoqda, deb xabar berdi Reuters.
Izoh (0)