Xonanda Akbar Atamuhammedov operatsiyasiz 4 oy ichida 42 kiloga ozgani haqida so‘zlab berdi

Xonanda Akbar Atamuhammedov “Efirda To‘raxonov” ko‘rsatuviga bergan intervyusida ortiqcha vazn bilan qanday kurashgani haqida so‘zlab berdi.


“Hech qanday operatsiyasiz ozdim. Buning uchun kuniga kamida 10 ming qadam piyoda yurdim. Ratsionimdan shakar va uglevodlarni chiqarib tashladim. Ovqatlanishdan 20 daqiqa avval suv ichdim va ovqatdan keyin kamida 40 daqiqa suyuqlik ichmadim. 120 kilogramm edim. Kecha taroziga chiqsam 78 kiloga tushibman”, — deydi Akbar.

“Qanchalik qimmatbaho mashinangiz bo‘lmasin, ko‘proq piyoda yurishga harakat qiling. 10 ming qadamdan ko‘proq yura olsangiz, marra sizniki. Hozir mendan tanishlarim ‘Hammasi joyidami’, deb so‘rayapti. Hammasi yaxshi, o‘zimni yaxshi his qilmoqdaman”, — deydi so‘zlarini davom ettirib xonanda.