10—15-yanvar kunlari Botkenda Qirg‘iziston va Tojikiston hukumat delegatsiyalari topografik ishchi guruhlarining qirg‘iz-tojik davlat chegarasini delimitatsiya va demarkatsiya qilish masalalari bo‘yicha navbatdagi yig‘ilishi bo‘lib o‘tdi.
NIAT “Xovar” xabariga ko‘ra, topografik ishchi guruhlar Qirg‘iziston—Tojikiston chegarasining 38,35 kilometr qismi yuzasidan kelishuvga erishgan.
Uchrashuv yakunlari bo‘yicha tegishli bayonnoma imzolandi.
Tomonlar Tojikiston hududida bo‘lib o‘tadigan navbatdagi uchrashuvda qolgan hududlarni tavsiflash ustida ishni davom ettiradi.
2023-yilning kuzida Qirg‘iziston va Tojikiston hukumat delegatsiyalarining uchrashuvida “barcha chegaraviy muammolarni hal qilish uchun asos bo‘ladigan” bayonnoma imzolangan edi.
Izoh (0)