O‘zbekistonda 100 ming ishchiga kasb-hunar va til o‘rgatilib, uyushgan holda chet el korxonalariga ishga yuboriladi. Bu haqda 16-yanvar kuni prezident raisligida o‘tkazilgan videoselektor yig‘ilishida ma’lum qilindi.
Yig‘ilishda qayd etilishicha, bandlik tizimiga kiruvchi kasbga tayyorlash muassasalari faoliyati talab darajasida emasligi ta’kidlandi. Xususan, hozirda chet elda ishlayotgan o‘zbekistonliklarning aksariyati oddiy va og‘ir, kam ish haqi to‘lanadigan mehnat bilan shug‘ullanmoqda.
Yevropa, Osiyoning rivojlangan mamlakatlari bilan juda katta kelishuvlar doirasida 150 ming nafar ishchiga buyurtma berilgan bo‘lsa-da, bor-yo‘g‘i 9 ming ishchi yuborildi.
Shu munosabat bilan Tashqi mehnat migratsiyasi tizimidagi ishlarni lozim darajada tashkil qilish muhimligi qayd etildi.
Kambag‘allikni qisqartirish va bandlik vazirligi ish o‘rinlarini yaratish va aholini kasbga o‘qitish borasidagi kamchiliklarni bartaraf etib, 100 ming ishchiga kasb-hunar va til o‘rgatib, uyushgan holda chet el korxonalariga ishga yuborish vazifasi qo‘yildi.
Izoh (0)