Toshkent shahrining ikki tumani: Yashnobod va Mirzo Ulug‘bek tumanlarida 10-yanvar kuni elektr energiyasi taʼminoti vaqtincha to‘xtatiladi. Bu haqda “Hududiy elektr tarmoqlari” AJ Toshkent shahar filiali matbuot xizmati xabar berdi.
Unga ko‘ra, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarning oldini olish hamda mavjud elektr qurilmalarida taʼmirlash ishlarini olib borish maqsadida ertaga, 10-yanvar kuni quyidagi manzillarda elektr taʼminoti vaqtincha o‘chiriladi:
- Yashnobod tumani: “Navro‘zobod” MFYning ayrim hududlarida soat 09:00 dan 17:00 gacha;
- Mirzo Ulug‘bek tumani: “Iqtidor” MFYning ayrim hududlarida soat 09:00 dan 16:00 gacha.
O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligi aytilgan. “Hududiy elektr tarmoqlari” Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘radi.
Izoh (0)