Samarqandda yashovchi ayol noqonuniy mayning ferma tashkil qilib, elektr tarmog‘idan noqonuniy foydalanib kelgani aniqlandi.
48 yoshli ayol A.G. noqonuniy mayning ferma tashkil qilgani Samarqand viloyati IIB Tezkor-qidiruv xizmati Korrupsiya va iqtisodiy jinoyatlarga qarshi kurash bo‘limi, Kiberxavfsizlik bo‘linmasi tomonidan tegishli mutasaddi idoralar bilan hamkorlikda o‘tkazilgan tadbirda aniqlangan.
Viloyat IIB matbuot xizmatining xabar qilishicha, buning oqibatida u 3,8 milliard so‘m zarar keltirgan.
Mazkur holat yuzasidan Jinoyat kodeksining 192-11-moddasi 2-qismi “a” bandi bilan jinoyat ishi qo‘zg‘atilib, tergov, tezkor-qidiruv harakatlari olib borilmoqda.
Bundan avval Samarqand viloyati Nurobod tumanida noqonuniy mayning ferma aniqlangandi. Viloyatning Past Darg‘om tumanidagi noturar bino yerto‘lasida mayning ferma noqonuniy ravishda elektr tarmog‘iga ulanishi oqibatida 2 milliard 237 million so‘m zarar yetkazilgandi.
Izoh (0)