Fransiya TIV matbuot xizmati Ukraina qurolli kuchlarining Belgorodga bergan zarbalarini o‘zini himoya qilishning qonuniy usuli deb atadi. Bu haqda “TASS” ma’lum qildi.
“Ukraina Birlashgan Millatlar Tashkiloti nizomining 51-moddasiga muvofiq qonuniy himoya usulini amalga oshirmoqda”, — deyiladi vazirlik xabarida. Hujum paytida Ukraina kassetali bombalardan foydalangani haqidagi savolga Fransiya Tashqi ishlar vazirligi javob berishdan bosh tortdi.
30-dekabr kuni Belgorodga raketa zarbalari berilgan.Oqibatda 25 kishi halok bo‘ldi, yana 109 kishi yaralandi. 2-yanvar kuni Belgorod yana 4 ta raketa hujumi uyushtirildi, bu safar 1 kishi halok bo‘ldi va 11 kishi yaralandi.
Ukraina OAVning razvedka xizmatlaridagi manbalari bu Ukraina shaharlariga qilingan ommaviy hujumlarga javob ekanligini aytdi. Rossiya Mudofaa vazirligi zarba “e’tiborni frontdagi mag‘lubiyatlardan chalg‘itish” va rus armiyasini qo‘zg‘atish uchun qilingan, degan fikrni bildirgan.
Izoh (0)