Ukrainaning 2024-yildagi asosiy harbiy maqsadi “Qrimni izolyatsiya qilish”dir. Bu haqda Ukraina prezidenti Vladimir Zelenskiy The Economist jurnaliga bergan intervyusida ma’lum qildi.
Nashrning taʼkidlashicha, “janob Zelenskiy Ukraina 2024-yilda nimaga erisha olishi haqida kam gapirdi”. Biroq “Qrim va Qora dengizdagi hudud bilan bog‘liq jang urushning markaziga aylanadi”.
“Qrimni izolyatsiya qilish va u yerda Rossiyaning harbiy salohiyatini pasaytirish biz uchun o‘ta muhim, bu mazkur hududdan hujumlar sonini kamaytirish yo‘lidir”, — dedi Zelenskiy.
Uning so‘zlariga ko‘ra, muvaffaqiyatli operatsiya “butun dunyoga o‘rnak” bo‘lib, Rossiya ichida “katta ta’sir” ko‘rsatadi. Ukraina prezidenti aynan qaysi operatsiyani nazarda tutayotganiga aniqlik kiritmadi.
The Economist gazetasining yozishicha, Zelenskiy sharq va janubdagi maqsadlarini yoritishda unchalik ochiq emas”.
“Ukrainaning Ukrainani asl chegaralariga qaytarish bo‘yicha bildirilgan strategik ambitsiyalari o‘zgarmadi va o‘zgarmaydi, biroq u (Zelenskiy) endi Ukraina qaysi hududni deokkupatsiya qilishi mumkinligi haqida muddat belgilamayapti yoki hech qanday vaʼda bermayapti”, — deyiladi xabarda.
Ta’kidlanishicha, Zelenskiyning quruqlikdagi urushdagi bevosita vazifasi “sharqni himoya qilish, Ukrainaning sharqiy va janubidagi juda muhim shaharlarini, Xarkov, Dnepr, Zaporojye, Xerson, Nikolayevni qutqarish va o‘z mamlakatining muhim infratuzilmasini himoya qilishdir.
Izoh (0)